«Зирәк бала-8» һәм «Зирәк остаз-1» онлайн бәйгеләрендә махсус приз яулаучылар билгеле булды

Балалар өчен «Зирәк бала-8» һәм укытучылар өчен «Зирәк остаз-1» онлайн бәйгеләре тәмамланды. Без бүген төп җиңүчеләрне — “Мәгариф” һәм “Гаилә һәм мәктәп” журналлары редакциясе тарафыннан сайланган махсус приз ияләрен игълан итәбез.

Шулай итеп, “Зирәк бала-8” бәйгесендә җиңүче дип табылган, Әлмәт шәһәрендәге 17 нче урта мәктәпнең VII сыйныф укучысы Кәшипов Нияз (җитәкчесе – татар теле һәм әдәбияты укытучысы Кәшипова Наилә Җәдит кызы) портфолио альбомы белән бүләкләнә. Кәшипов Нияз “Моя семья” — “Минем гаиләм” темасына конкурс эше” номинациясендә “Минем кечкенә һәм серле дәүләтем” эше белән катнашты.

портфолио+флешка“Зирәк остаз-1” бәйгесендә иң яхшы эш авторы дип Асылгәрәева Гөлнара Варис кызы табылды. Аңа 4 Гб лы флеш-карта бүләк ителә. Г.Асылгәрәева “Моя семья” — “Минем гаиләм” темасына конкурс эше” номинациясендә “Туган ягым тарихында гаиләм тарихы” дигән хезмәте белән җиңү яулады. Гөлнара Варис кызы Бөгелмә шәһәрендәге аерым предметларны тирәнтен өйрәтүче 3 нче урта мәктәптә белем бирә.

«Зирәк бала»да катнашу: http://magarif-uku.ru/konkurs/zirek-bala/
«Зирәк остаз»да катнашу: http://magarif-uku.ru/konkurs/zirek-ostaz/