Башкортстанның татар теле һәм әдәбияты укытучылары - Казанда

2015 елның 28 июнь-1 июль көннәрендә Россиядә игълан ителгән Әдәбият елы уңае белән Башкортстан татарлары конгрессы, “Сәхипҗамал” хатын-кызлар оешмасы һәм “Хазинатур” компаниясе Башкортстанның татар теле һәм әдәбияты укытучылары өчен Уфа-Болгар-Казан юнәлеше буенча экскурсия әзерләде. Экскурсиядә 60 кеше катнаша.

Программада ата-бабаларыбыз Ислам дине кабул иткән Болгарда, Г.Тукай, М.Җәлил музейларында, Казан Кремлендә, Кол Шәриф мәчетендә булу каралган. Шулай ук мәдәни программада Бөтендөнья татар конгрессы Башкарма комитеты җитәкчелеге һәм Татарстанның әдәбият һәм сәнгать әһелләре белән очрашу да каралган.