Галимнәр бала 5-6 яшендә җиткән егет – җиткән кыз булып өлгерәчәк, диләр

– Адәм баласына үсү, өлгерү өчен 18-20 ел вакыт кирәк, – диде безгә кунагыбыз, гаилә башлыгы Алим Галимуллин. – Галимнәр клонлаштыру юлы белән кешенең үсешен тизләтү, гомерен озынайту өлкәсендә шактый еллар шөгыльләнә. Алар уйлавынча, ул 5-6 яшендә җиткән егет-җиткән кыз булып өлгерә, кимендә 200 яшькә кадәр яши. Моны әлегә ачыктан-ачык сөйләшергә ашыкмыйлар. Әмма  аларның үсемлек дөньясындагы уңышлары – бәхәссез. Йорт салу өчен, әйтик, 120 яшьлек чыршы кирәк. Соңгы елларда клонлаштыру юлы белән аны Кытайда – 7, Америкада 5 ел эчендә үстереп җиткерә башладылар. Тиздән Татарстан урманнары да шундый тизлектә үсә башлаячак. “Моның белән минем Алимем шөгыльләнә”, – дип хәләл җефете Эльвира әңгәмәгә җан кертеп җибәрде.

Эльвира һәм Алим Галимуллиннар белән тагын ниләр хакында сөйләшүебез турында “Гаилә һәм мәктәп” журналының алдагы саннарыннан укып белерсез.