Интернетка чыккан быелгы БДИ биремнәре ялган — Рособрнадзор

Мәгариф һәм фән өлкәсенә Күзәтчелек итү буенча федераль хезмәт хезмәткәрләре узган атна эчендә бердәм дәүләт имтиханына әзерләнү өчен ялган биремнәр урнаштырылган 180нән артык интернет-порталның “эзенә төшкән”. Бу хакта ведомствоның матбугат хезмәте хәбәр итә. 

Бу порталларның берсендә дә чын биремнәр булмаган. Мәгариф һәм фән өлкәсенә Күзәтчелек итү буенча федераль хезмәт тикшерү материалларын, хокук бәяләмәсе алу өчен, полициягә юллаган.

Мәгариф һәм фән өлкәсенә Күзәтчелек итү буенча федераль хезмәт ел башыннан бирле алдарлар тарафыннан эшләнгән 250дән артык сайт барлыгын ачыклаган.  Алдарлар абитуриентларга акча исәбенә ачык банктан биремнәр яки узган елларның материалларын җибәрергә тәкъдим иткән.

Добавить комментарий