Ижевскида татар теле һәм әдәбиятыннан олимпиада уздырыла

Ижевскиның Габдулла Тукай исемендәге 6 номерлы гимназиясендә татар теле һәм әдәбияты буенча республика олимпиадасы уза. Моның турында Бөтендөнья татар конгрессы матбугат хезмәте хәбәр итә.

Анда 50гә якын укучы катнашуы көтелә. Алар Удмуртиянең Балезин, Юкаменка районнарыннан, Можга һәм Ижау шәһәрләреннән мәктәпләрдә узган олимпиадаларда җиңү яулаган.

Республика олимпиадасының җиңүчеләре Казанда узачак Татар теле һәм әдәбияты буенча Төбәкара олимпиадада катнашачак.