«Мәгариф»нең электрон версиясенә язылучылар октябрь санын инде укый ала. Хәзер инде төсле форматта!

«Мәгариф»нең 10 нчы саны дәреслекләр проблемасына багышланган.

Журналның 10 нчы саны 8 октябрьдә, типографиядән чыгып, почта бүлекчәләренә җибәреләчәк. Ә аның PDF-версиясе сайтыбызның «Электронная подписка» бүлегендә урнаштырылды инде. Октябрь санының электрон вариантына аерым язылу — 60,00 сум,  » «Мәгариф» №№ 7- 12 , 2014«, ягъни агымдагы яртыеллыкка язылу — 299,00 сум.

Октябрьнең электрон версиясен сайттагы «шәхси кабинет»ларында укучыларны күңелле сюрприз көтә: PDF-файл анда тулысынча төсле итеп эшләнгән.

Электрон версиягә язылырга

cover_october

Журналыбызның №10 санын Татарстанның 2030 елга кадәр мәгариф үсеше стратегиясенең фәнни җитәкчесе, Россия мәгариф академиясе мөхбир-әгъзасы, педагогика фәннәре докторы, яңа буын федераль дәүләт белем бирү стандартларын эшләгән төркем җитәкчесе Александр Михайлович Кондаков белән әңгәмә ачып җибәрә. “Сегодняшнее образование готовит молодежь к жизни в обществе, которого уже нет” дип аталган әңгәмә — бары тик «Мәгариф» журналында гына.

«Замана баласына – заманча дәреслек» (“Татар әдәбиятыннан яңа уку әсбаплары” темасына “түгәрәк өстәл”дән репортаж), «Төп гомуми белем бирү баскычында татар әдәбияты: заман таләпләре һәм яңа мөмкинлекләр», «Размышления о новом учебнике отечественной истории», «Татар телен туган тел һәм дәүләт теле буларак өйрәнүнең хокукый-норматив нигезләре» кебек аналитик, методик материаллар  кызыклы булыр.

4 ноябрь — Халыклар бердәмлеге көненә сыйныф сәгате һәм класстан тыш чара әзерләячәк укытучыларга да «Мәгариф»нең 10 нчы саны файдалы материаллар тәкъдим итә.

Номерның эчтәлеге белән танышырга.

 

Добавить комментарий