Өчьеллык бюджет законы проекты каралачак

19 октябрь көнне 14.00 сәгатьтә ТР Дәүләт Советында Мәгариф, фән, мәдәният һәм милли мәсьәләләр комитетының чираттагы утырышы була. Бу турыда безгә ТР Дәүләт Советының Мәдәният, фән, мәгариф һәм милли мәсьәләләр комитеты рәисе Разил Вәлиев хәбәр итте.

Анда комитет әгъзалары, газета-журналларның баш мөхәррирләре, театр һәм музей җитәкчеләре катнаша. Утырышта «2017 елга, 2018 һәм 2019 еллар план чорына Татарстан Республикасы бюджеты турында» Татарстан Республикасы законы проекты каралачак.

Утырышның нәтиҗәләре белән безнең сайтта таныша аласыз.