Татар авыллары һәм төбәкләрдәге татар тарихын өйрәнүчеләр җыенында 350 кеше катнашачак

3-5 апрель көннәрендә Казанда II Бөтенроссия татар авыллары һәм төбәкләрдәге татар тарихын өйрәнүчеләр җыены узачак. Чараны уздыру Бөтендөнья татар конгрессына йөкләнде. Җыенга Россиянең 35 регионыннан, Татарстаннаның 43 районыннан 350 вәкил катнашачак.

Программа кысаларында катнашучылар Россия төбәкләрендәге татар авыллары тарихына һәм Татарстанның архив эшләренә багышланган китаплар белән таныша, «Тарихи-мәдәни мирасны, төбәкләр үсешенең тарихын һәм перспективаларын, республика торак пунктларын һәм ил чикләрендәге татар дөньясын өйрәнүдә һәм саклауда галимнәрнең, төбәк тарихын өйрәнүчеләрнең һәм җәмәгать эшлеклеләренең роле» дигән темага түгәрәк өстәлдә һәм «Татар бистәләрен саклап калу һәм үстерү» сессиясендә катнаша алачак.