One thought on “Татарга дүрт тел кирәк

  1. Әйе, Нурия ханым, мин сезнең белән бик- бик килешәм! Чыннан да, гарәп теле — тәрбия һәм иман теле ул! Гарәпләрдә безнең эра башларында кулланылган гарәп язуы, ислам дине урнашкач, VI-VII йөзләрдә бик нык активлаша. Ислам дине таралуга бәйле рәвештә, гарәп язуы башка күп кенә халыкларда, шул исәптән фарсыларда һәм төркиләрдә дә кабул ителә. Безнең борынгы бабаларыбызга ул кайбер җирләрдә IX йөздә үк керә. Ә Болгар илендә гарәп язуы 922 нче елда, ислам дине кабул ителгәч, активлаша һәм ул бездә 1927 нче елга кадәр кулланыла. Бу язуда безгә халкыбызның бик бай рухи мирасы килеп җиткән. Гарәп графикасы татарларда 1005 ел кулланылышта булган һәм шул вакыт эчендә документлар, өндәмәләр, әсәрләр иске татар телендә әлеге графика белән язылган. Менә безнең «Имәнкискә урта гомуми белем бирү» мәктәбенең музеенда да гарәп графикасы белән язылган китаплар саклана. 1878 нче елгы китапта шигырьләр, хәдисләр урын алган, ниндидер билгесез кешеләрнең үз куллары белән язылган язмалары сакланган. Мәктәпләрдә, уку йортларында гарәп графикасын уку программаларына кертелергә кирәк дип уйлый мин. Чөнки үткәнен белмәгән халыкның киләчәге юк, дигән әйтем бар татар халкында. Шуңа күрә без дә, үзебезнең тарихыбызны язма ядкарьләрдән белер өчен, гарәп графикасын да, латин графикасын да өйрәнергә тиеш. Бу язуда халкыбызның бик бай рухи мирасы саклана бит. Изге китап Коръән кәрим дә гарәп телендә язылган. Коръән – тәрбия чарасы. Анда тугрылык, ихласлылык, юмартлык, сүз һәм гамәл берлеге, шәфкатьлелек, ата-ананы хөрмәт итү, сабырлык һәм шундый башка әхлакый сыйфатлар мактала, тискәреләре хөкем ителә…

Добавить комментарий