Татарстан илнең иң яхшы мәктәпләре рейтингы лидеры дип табылды

Татарстан илнең иң яхшы мәктәпләре рейтингы лидерлары рәтенә эләккән. Тикшеренү нәтиҗәләре рейтингны төзегән агентлык порталына урнаштырылган, дип яза «Татар-информ»  мәгълүмат агентлыгы.

Мәктәпләрнең сыйфатын аларны тәмамлаучы укучыларның йөзлеккә кергән Россия вузларына укырга керү нәтиҗәләре буенча билгеләгәннәр. Рейтингта республикадан берьюлы биш мәктәп тәкъдим ителгән. Аларның дүртесе Казан мәктәпләре һәм берсе Чаллыныкы. Шулай итеп, КФУның IT-лицее 32 урынны, 131 нче лицей 38 урынны, КФУ лицее 56 урынны, Казанның инглиз телен тирәнтен өйрәнү буенча 18 нче мәктәп 84 урынны, Чаллының 26 нчы мәктәбе 87 урынны били.

Добавить комментарий