Татарстанда беренче бала тапкан 490 хатын-кызга пособие билгеләнгән

Татарстан Республикасының район социаль яклау бүлекләренә 2018 елның 1 гыйнварыннан алып туган беренче балага каралган түләүләр белән бәйле гаризалар килү дәвам итә. Бу хакта Республика Хезмәт, халыкны эш белән тәэмин итү һәм социаль яклау министрлыгы матбугат хезмәте хәбәр итә.

Агымдагы елның 8нче апреленә булган мәгълүматлар буенча, беренче бала туу өчен айлык акчалата түләү 490 анага билгеләнгән.