Татарстан мәктәпләрендә туган тел дәресләрендә укучыларның 69 проценты – татар, 30 проценты рус телен өйрәнә. Ата-аналар үз балалары өчен шушы ике телне сайлаган, дип яза «Татар-информ» Татарстан Мәгариф һәм фән министрлыгына сылтама белән.Ата-аналарның бер проценты үз балаларына туган тел дәресләрендә өйрәнү өчен чуаш, мари, удмурт, мордва һәм иврит телләрен сайлаган.
Туган телләрне өйрәнү өчен сәгатьләр саны республика мәктәпләренең уку планнары нигезендә бүленгән. «Мисал өчен, татар мәктәпләрендә туган телне өйрәнүгә күбрәк вакыт бирелә», - дип ачыклык кертте министрлык вәкиле.
Комментарийлар