100 000 сум күләмендә 5 грант

Татарстаннан читтә татар телен саклау һәм үстерүгә үз өлешен кертүче галимнәр, мәгариф оешмалары һәм иҗтимагый оешмаларның инициативаларына ярдәм итү буенча грантка документлар тапшыру өчен бер көн калды. 

Грантлар бирү буенча конкурста катнашу өчен гаризалар 18 мартта кабул ителә башлаган иде. 2019 елда грантка галимнәр, мәгариф оешмалары һәм иҗтимагый оешмалар ия булырга мөмкин.

Грант «2014 — 2021 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасы кысаларында булдырылды.

Конкурста катнашу үз эшчәнлеген конкурс игълан иткән көнгә кадәр кимендә бер ел башкаручы иҗтимагый оешмаларга рөхсәт ителә. Исегезгә төшерәбез, быел биш  грант күләме 100 000 сум тәшкил итә.

Добавить комментарий