2807 сайлау участогы өченче көн эшли

13 сентября 2020 Мәгариф

Үзәк сайлау комиссиясе рәйсе Андрей Кондратьев журналистлар өчен үткәрелгән матбугат конференциясендә сайлау участокларының ачылуы турында хәбәр итте.
Республикада барлыгы 2807 сайлау участогы инде өченче көн эшли. Андрей Кондратьев әйтүенчә сайлаучыларның 52 % инде үз тавышын биргән. Чара вакытында гадәттән тыш хәлләр булмаган.
«Шулай да күп кенә ялган хәбәрләр килә, – диде комиссия рәйсе. – Мәсәлән, урамда «Газель» машинасында тавыш бирү бара дигән хәбәр килде. Сайлау комиссиясенең, гомумән, андый машинасы юк. Шулай да бардык, тикшердек. Фейк булып чыкты».
Сайлау урналарында пломба юк дигән хәбәрләр дә алынган. Фотосына кадәр җибәргәннәр. Анысы да дөрес хәбәр булмаган.