75 мең казанлы хезмәт батырлыгы өчен медальләр белән бүләкләнгән

«Хезмәт батырлыгы шәһәре»  исеме Россиянең 20 шәһәренә бирелде. Алар арасында Казан да бар.  Бу хакта «Татар-информ» мәгълүмат агентлыгында бу уңайдан узган матбугат конференциясендә хәбәр иттеләр.

“Конституциягә үзгәрешләр кертү өчен тавыш биргән чорда, барлык сайлау участокларында кешеләр бу исемнең бирелүен яклап имзаларын калдырдылар. Россия Президенты Владимир Путин алдында Казан өчен  700 меңнән артык кешенең тавыш бирүе турында игълан ителде. Безгә кирәкле документларны җыярга, дәүләт архивын күтәрергә һәм аннан медальләр белән бүләкләнергә тиешле барлык документларны һәм протоколларны алырга кирәк иде. Шулар аркылы без Казанда яшәүче 75 мең кешенең хезмәт батырлыгы өчен бүләкләр алганын белдек»,  — дип сөйләде Казан шәһәре башлыгы урынбасары Людмила Андреева.

Ралинә ЗАҺИДУЛЛИНА

 

Добавить комментарий