Чит ил теленнән имтиханны база һәм профиль дәрәҗәгә бүлү көтелми
Бүгенгесе көндә чит ил теленнән имтиханны нибары 11,5% укучы гына тапшыра. 2022 нче елда бу фән мәҗбүри рәвештә БДИга кертеләчәк. Рособрнадзор җитәкчесе Сергей Кравцов сүзләрен РИА новости хәбәр итә."...
Бүгенгесе көндә чит ил теленнән имтиханны нибары 11,5% укучы гына тапшыра. 2022 нче елда бу фән мәҗбүри рәвештә БДИга кертеләчәк. Рособрнадзор җитәкчесе Сергей Кравцов сүзләрен РИА новости хәбәр итә.
"2020 елдан ук бу проект 19 регионда гамәлгә ашырыла башлый,"-ди мәгариф министры Ольга Васильева. Тик имтиханны авырлыгы буенча ике дәрәҗәгә бүлү көтелмиячәк. Чөнки инглиз теле халыкара аралашу теле булып санала һәм төп нигезне бөтен укучы белергә тиеш.
Тәтеш районының "Татар мәктәбе" укучысы Əнисә Галиуллина чит ил теленнән имтихан тапшырырга кирәк булуын белгәч, моның хакта үз карашын эйтте:
-Сыйныфташлар күбесе бу хәбәргә шатланмадылар, әлбәттә. Бу өстәмә эш дип саныйларң.Ə мин моңа, киресенчә, шат. Бу чит телләрне үзләштерүгә зур этәргеч булачак дип саныйм.
Комментарийлар