Февраль аена истәлекле даталар

Февраль
3 – Балет артисткасы, профессор Нинель Юлтыеваның тууына 90 ел (1926–2014).
Рәссам-график Тавил Хаҗиәхмәтовның тууына 80 ел (1936–2007).
6 – Фольклорчы галим, җәмәгать эшлек­лесе Рәшит Ягъфәровның тууына 70 ел (1946–2008).
7 – Шагыйрә Илсөяр Иксановага 50 яшь.
8 – Актриса, Татарстанның халык, Россиянең атказанган артисткасы Шәхсәнәм Әсфәндиярованың тууына 90 ел (1926–1996).
10 – Язучы, тәрҗемәче Солтан Шәмсигә 70 яшь.
13 – Җырчы, Татарстанның халык, Россиянең атказанган артисты Вафирә Гыйззәтуллинаның тууына 70 ел (1946–2001).
15 – Россиядә интернационалист сугышчыларны искә алу көне.
Советлар Союзы Герое, Ленин премиясе лауреаты герой-шагыйрь Муса Җәлилнең тууына 110 ел (1906–1944).
16 – 40 ел элек «КамАЗ» маркалы беренче автомобиль завод конвейерыннан төште.
19 – Композитор, Татарстанның халык артисты Александр Ключаревның тууына 110 ел (1906–1972).
21 – Халыкара туган тел көне.
Оренбургта татар телендә «Вакыт» газетасы чыга башлауга 110 ел (1906).
23 – Ватанны саклаучылар көне.
Н.И.Лобачевскийның неевклид геомет­риясен ачуына (аңа нигез салуына) 190 ел.
25 – Педагог, журналист, 1960–1977 елларда «Совет мәктәбе» (хәзерге «Мәгариф») журналының баш мөхәррире Фатих Ибраһимовның тууына 100 ел (1916–1999).
28 – Шагыйрә Шәмсия Җиһангировага 65 яшь.