Казанга 2,5 мең педагог җыелачак

Татарстан башкаласында «Россия мәгарифе» – EDU Russia II халыкара форумы узачак. Моның турыда бүген матбугат конференциясендә ТР мәгариф һәм фән министрының беренче урынбасары Андрей Поминов хәбәр итте. 

Форум эшчәнлегендә Россия һәм чит илләрнең 150 әйдәп баручы эксперты чыгышы көтелә.

Казанда мәгариф форумы 28 февральдә һәм 1 мартта узачак. Чарада халыкара экспертлар, РФ мәгариф министры урынбасары Ирина Потехинаның катнашуы көтелә. Форумның модераторы — Россия Мәгариф академиясенең яңа президенты Юрий Зинченко.

50 сексция утырышында 150 спикер чыгыш ясаячак. Бүгенге көндә «Россия мәгарифе» – EDU Russia II халыкара форумында катнашу теләген 2,5 мең кеше белдергән.

 

 

 

Добавить комментарий