Мәктәпләрдә бишбаллы системаны бетерергә өндәделәр

Федерация Советының фән, мәгариф һәм мәдәният буенча комитет рәисе урынбасары Виктор Кресс мәктәпләрдә бишбаллы системаны бетерергә тәкъдим итте.

Сенатор фикеренчә, «Берлене төшереп калдыру, дүртбаллы системаны калдыру дөрес булыр иде, чөнки икеле – ул инде начар. Берлене, чыннан да, соңгы елларда кулланмыйлар диярлек. Мин укыганда, укытучыларның укучыга ачуы чыкканда, белмәгән өчен генә түгел, пычраткан, бозган өчен дә берле куялар иде”.

Бишбаллы системаны Совнарком 1935 елның сентябрендә гамәлгә керткән. Һәм 1944 елда, СССР Мәгариф комиссариаты боерыгы нигезендә, бәяләү шкаласы мәктәпләрдә ныклап урнашкан. 2018 елның августында Рособрнадзор мәктәпләрдә бишбаллы системадан баш тарту темасын күтәргән булган инде.

Добавить комментарий