Офыкта – өч телдә уку

Полилингваль комплекслар идеясен үстерергә кирәк, дигән фикер яңгырады «Республикада милли телләрне укытуның заманча белем бирү юнәлешләре» түгәрәк өстәле барышында.
Татарстанда белем бирү сәясәтенең алдынгы юнәлеше – полилингваль белем бирү комплексларын булдыру. Ә инде эшләп килүче «Адымнар» проекты алымнарын республиканың барлык белем бирү оешмаларында кулланырга уйлыйлар.
Исегезгә төшерәбез: беренче «Адымнар» полилингваль комплексы агымдагы уку елында ачылды. Аның өчен ТР Мәгариф һәм фән министрлыгы «Просвещение» нәшрияты белән берлектә төп дәреслекләрне (математика, география, биология, тарих һәм башкалар) инглиз теленә, ә Татар китап нәшрияты белән татарчага махсус тәрҗемә итте.

Лилия САДРЕТДИНОВА