Педагогик белеме булмаганнар да — укытучы

Педагогик белеме булмаган кешеләргә дә мәктәптә эшләргә рөхсәт итәргә телиләр. Россия Федерациясенең мәгариф министрлыгы укыту процессына укытучы һөнәрен үзләштерүче студентларга  юл куюга каршы түгел.

Үзгәрешләрне күздә тотучы закон проекты Дәүләт Думасына кертелгән. Законга төзәтмәләр комитетның бүгенге утырышында кабул ителгән.

«Педагогика» юнәлешендә белем алучы югары курслар студентларының мәктәптә эшли алуы укытучыларга кытлык мәсьәләсен хәл итә алыр иде, дип саныйлар Мәгариф министрлыгында. Бүгенге көндә Россиянең күп кенә төбәкләрендә педагогик кадрларга дефицит күзәтелә. Әлеге проблема  зур шәһәрләрдән ерак урнашкан авыр җирлекләрендәге мәктәпләрдә аеруча кискен тора.

Добавить комментарий