«Яраткан укытучымны котлыйм» конкурсы

Халыкара хатын-кызлар көне уңаеннан «Мәгариф» журналы мәктәп укучылары өчен яңа конкурс игълан итә.
Конкурсның шартлары гади һәм аңлаешлы: 4 нче мартка кадәр безнең редакциянең электрон почтасына (magarif@bk.ru) яраткан укытучының фотографиясен җибәрергә һәм аның турында кыскача язарга кирәк була. Шулай ук  язның беренче бәйрәме белән укытучыларга багышлап  иң кызык һәм мавыктыргыч (оригиналь) котлаулар да кабул ителә (шигъри формада булырга да мөмкин).
Иң мәрхәмәтле укытучыны, тәрбиячене онлайн-тавыш бирү билгели. Башлануы турында без алдан хәбәр итәбез.