Ятимнәр рәхмәт әйтте

«Җылы рәхәте»  акциясенә килгән бияләй-оекбашларны таратуны дәвам итәбез. Редакция хезмәткәрләре Яшел Үзән районы Нурлат авылында урнашкан балалар йортында булып кайтты. Куллар аша күңел җылысы сеңгән эшләнмәләргә кушып һәр сабыйга баллы бүләкләр дә тапшырдык.
Балалар йорты директор Дамир Кәбир улы Рәхмәтуллин акциядә катнашкан һәркемгә һәр бала исеменнән зур рәхмәт белдерде. Башкарган игелекле эшләребез дәвамлы булсын!