Юрий Багров Казан мәгълүмати технологияләр һәм элемтә техникумының директоры итеп билгеләнде

Моңа кадәр ул ТР Мәгълүматлаштыру һәм элемтә министрының беренче урынбасары вазифасын башкара иде.

Бүген яңа җитәкчене ТР Премьер-министры урынбасары – ТР Мәгълүматлаштыру һәм элемтә министры Роман Шәйхетдинов техникум коллективына тәкъдим итте.

Роман Шәйхетдинов сүзләренә караганда,  кадрлар билгеләнү эшне көчәйтү максатыннан эшләнелә. Ике еллык программа кысаларында, техникум базасында мәгълүмат һәм коммуникация өлкәсендә Төбәкара компетенция үзәге төзеләчәк. Шул максаттан, коллектив алдында яңа бурычлар куела.

“Безнең тәҗрибәне бөтен ил күзәтәчәк. Әлеге федераль проект  бик зур җаваплылык сорый. Ул EuroSkills һәм WorldSkillsта да чагылырга тиеш.

Татарстан Республикасы Мәгълүматлаштыру һәм элемтә министрлыгының беренче урынбасары итеп «Таттелеком» генераль директоры урынбасары Дмитрий Вандюков билгеләнде.

Добавить комментарий