Журналистны аяклары ашата

Узган ялларда Казанның «Пирамида» концертлар залында «Болгар радиосы» милли музыкаль премиясен тапшыру тантанасы узды. Әлеге зур тантана бишенче мәртәбә уздырылды. Милли музыкаль премия быелгы тантанада 35 җырчыга тапшырылды.

Тыңлаучылар һәм телевизор караучылар биргән тавышлар саны буенча алар «Кайнар хит» хит-парадының төрле аенда җиңү яулап, аерым номинацияләрдә җиңеп чыктылар.

Милли музыкаль премия, күптән урнашкан гадәт буенча, җырны башкаручыга гына түгел, ә аның авторларына да тапшырылды.

Концертта яшь җырчылар белән беррәттән Хәмдүнә Тимергалиева, Венера Ганиева, Салават Фәтхетдинов кебек легендар җырчылар да катнашты. Бөтен билетлар сатылып беткән, залда бер генә буш урында юк иде, хәтта чараны яктыртырга килгән журналистларга концертны басып карарга туры килде...