Дәүләт Советында парламент спикеры Фәрит Мөхәммәтшин, Мәгариф һәм фән министры Энгель Фәттахов катнашында тарих, җәмгыять белеме укытучылары белән очрашу (турыдан-туры текст трансляциясе)

14.14 Фәрит Мөхәммәтшин: Быелгы Парламент дәресе 2030 стратегиясенә багышлана.
14.17 Фәрит Мөхәммәтшин: Укытучылар, белем бирүдән тыш, тәрбия бирү белән дә шөгыльләнергә тиеш. Бу ике вазифаны бер дәрәҗәдә алып барырга кирәк.
14.25 Фәрит Мөхәммәтшин: Яшел Үзәндәге мәктәптән шулкадәр рухланып кайттым. Анда мәктәп парламенты да бар, балалар да шулкадәр кызыксынучан, креатив.
14.30 Фәрит Мөхәммәтшин: Авылда клубка йөрүче дә юк. Әйтерсең, барысы да фронтка киткән. Сез, укытучылар, анда йөрегез, кешеләр жыегыз.
14.40 Фәрит Мөхәммәтшин: Узган елның 18 сентябре өчен сезгә рәхмәт. Укытучылардан башка сайлау кампаниясен үткәреп булмый.
14.54 Фәрит Мөхәммәтшин: Татарстан ярдәм күрсәтә торган Бакчасарайдагы җимерек мәктәпләрне күрсәгез иде. Бездә андый дуңгыз абзарлары да калмады. Анда 21 гасыр түгел, 20 гасыр башы, диярсең.
14.58 Фәрит Мөхәммәтшин: Югары уку йортларында Татарстан Конституциясе буенча тагын бер ачык дәрес үтәчәк.
15.00 Фәрит Мөхәммәтшин: Бердәм дәүләт имтиханы кебек механик бәяләү системасы кертеп, укытучыларның ролен төшерделәр, укытучыларга ышаныч кимеде.
15.04 Энгель Фәттахов: Тарих, җәмгыять белеме укытучылары - иң зур әһәмияткә ия булган контингент.