Казанда Иран Ислам Республикасы товарлары һәм продукциясенең Беренче Махсуслашкан күргәзмәсе узачак

20-23 декабрь көннәрендә “Казан ярминкәсе” күргәзмә үзәгендә Хорасан-Резави Провинциясе белән бергәлектә Иран Ислам Республикасы товарлары һәм продукциясенең Беренче Махсуслашкан күргәзмәсе уздырылачак. 20 декабрьдә 11:00 сәгатьтә  үтәчәк, күргәзмәнең ачылу тантанасында Хорасан-Резави Провинциясенең Губернаторы да катнашыр дип көтелә.

Күргәзмәдә үз эшчәнлекләрен ризык продукциясе, кием, көнкүреш техникасы, халык һөнәрләре җитештерү һ.б. өлкәләрдә алып бара торган алтмыштан артык Иран компаниясе катнашачак.

Исегезгә төшерәбез, агымдагы елның апрель аенда Татарстан Республикасы Президенты Рөстәм Миңнеханов Хорасан-Резави Провинциясендә эшлекле сәфәрдә булып кайтты. “Без барлык юнәлешләр буенча да уртак проектларны тормышка  ашырыргы әзер”, - дип белдергән иде ТР Президенты.