Казанда экология буенча Бөтенроссия олимпиадасы бара

5 апрельгә кадәр дәвам итәчәк олимпиадада Россия Федерациясенең 52 төбәгеннән ике йөздән артык укучы катнаша. Татарстан командасында — 15 укучы.

 Бәйгенең теоретик туры 31 мартта КФУ базасында үтте, 2 апрельдә  Казанның 35 нче мәктәбе базасында фәнни-тикшеренү проектларын яклау көтелә.

 Олимпиаданың максаты – сәләтле балаларны барлау, аларга ярдәм итү, укучыларда интеллектуаль һәм иҗат мөмкинлекләрен үстерү, фәнни-тикшеренү эшчәнлегенә һәм фәнни белемнәрне танытуга кызыксыну уяту.

 Россия Федерациясенең күренекле галимнәреннән торган жюрины КФУның Экология һәм география институты директоры, биология фәннәре докторы, профессор Светлана Селивановская җитәкли.

Добавить комментарий

Ваш адрес email не будет опубликован.