Мөслим балалары «Суда бии торган чәчәкләр» ясый (ВИДЕО)

Мөслим районында урнашкан «Кояшкай» балалар бакчасына йөрүче балалар җыр-бию, рәсем ясау осталыклары белән республика август киңәшмәсенә җыелган делегатларны шаккаттырды. Тәрбиячеләре Ильмира Хәбирова аларга эбру техникасы ярдәмендә «суда бии торган чәчәкләр» ясарга өйрәткән. Биредә бернинди шаблон да кулланылмый, махсус буяулар ярдәмендә балалар суда рәсемнәр төшерә, әйтерсең тылсымлы пумалалар үзләре бизәк ясый. Кунаклар әлеге техника белән  кызыксынып, кайберләре үзләре дә балалар янына утырып рәсем ясарга кереште.