Татарстанда 9 укучы физикадан БДИны йөз баллга тапшырган

Физикадан БДИны агымдагы елда 2494 чыгарылыш сыйныф укучысы тапшырган (2024 елда – 2094). Уртача балл –  63,94 (2024 елда – 68,44). Минималь бусаганы 36 баллдан 29 чыгарылыш сыйныф укучысы үтмәгән. Физикадан 100 баллны 9 чыгарылыш сыйныф укучысы алган (2024 елда – 20).

Казан шәһәренең Вахитов районындагы 131 нче лицей физикадан 100 балл җыйган ике, Әлмәт шәһәренең 2 нче мәктәбе, Бөгелмәнең 6 нчы мәктәбе, Яшел Үзән шәһәренең А.С.Пушкин исемендәге 9 нчы лицее, Яшел Үзән шәһәренең Советлар Союзы Герое Н.Н. Алтынов исемендәге 15 нче мәктәбе, Сарман гимназиясе, Казан шәһәренең Яңа Савин районының 7 нче лицей-интернаты, КФУның IT-лицее берәр укучы әзерләгән.

Җәмгыять белеме буенча БДИны агымдагы елда 5117 чыгарылыш сыйныф укучысы тапшырган (2024 елда – 5194). Уртача балл 57,05 (2024 елда – 60,35). Минималь 42 балл бусагасын 751 (14,68%) чыгарылыш сыйныф укучысы үтмәгән. 1 укучысы җәмгыять белеме буенча 100 балл җыйган (2024 елда – 2).

Быел бер фәннән БДИ нәтиҗәсен яхшыртырга теләгән чыгарылыш сыйныф укучылары моны өстәмә көндә эшли алачак: физикадан – 3 июльдә, җәмгыять белеменнән – 4 июльдә. Шул ук вакытта беренче нәтиҗә саналмаячак.

Фото: ТР Мәгариф һәм фән министрлыгы сайты