«Сез яшь әле, башка эш табарсыз», – дип мәктәптән китәргә мәҗбүр итәләр

«Яшь укытучыларның мәктәптән китүен сорыйлар, үз кулыбыз белән гариза язарга гына кала, бугай, безгә», - дип язды безнең редакциягә яшь укытучы (исеме редакциядә). Аның сүзләренә караганда, коллективта укыту стажлары аз булган педагогларны эштән азат итәргә телиләр.  «Минем кечкенә балам бар. Өстәвенә, ипотека программасы буенча сатып алынган фатир өчен дә түлим. Эшемне югалтсам, бик авыр булачак. Ә мәктәптә безгә «Сез яшь әле, эш табарсыз»,- дип әйттеләр.

Элек мәктәптә 16 татар теле укытучысы эшләсә, беренче гыйнвардан аларның сигезе генә калачак. 2016/2017 уку елында атнага 40 сәгать дәресем бар иде, әлеге ел башында 28гә калды. Хәзер бөтенләй 18 сәгать кенә», - дип белдерде укытучы.