Татарстан китап нәшриятының интернет кибетенә көн дә 200 кеше керә — Илдар Сәгъдәтшин

13 января 2017 Мәгариф

Татарстан китап нәшриятының интернет кибетенә керүчеләр активлашкан. Хәзер анда көн саен 200 дән артык кулланучы үзенә кирәкле басманы эзләп керә. Бу хакта “Татар-информ” мәгълүмат агентлыгы уздырган...

Татарстан китап нәшриятының интернет кибетенә керүчеләр активлашкан. Хәзер анда көн саен 200 дән артык кулланучы үзенә кирәкле басманы эзләп керә. Бу хакта “Татар-информ” мәгълүмат агентлыгы уздырган матбугат очрашуында Татарстан китап нәшрияты директоры Илдар Сәгъдәтшин хәбәр итте.

Электрон китапларны www.tatkniga.ru сайтында табарга мөмкин. Монда матур әдәбият, фән һәм сәнгать, мәгариф, балалар әдәбияты һәм татар теленә өйрәтә торган китаплар тупланган рубрикалар урнаштырылган. Китапларны сатып алырга, кайберләрен бушка алырга була. Моннан тыш, нәшриятта чыккан китапка заказ бирергә дә мөмкинлек бар.

Китап нәшрияты директоры билгеләп үткәнчә, нәшриятның Казанда Декабристлар урамындагы 2 нче йортта урнашкан һәм Бауман урамындагы кибетләрендә дә китаплар сату дәвам итә.