Татарстанда һава температурасы 33 градуска кадәр күтәрелә

Татарстан Гирометеорология һәм әйләнә-тирә мохитне күзәтү идарәсе мәгълүматларына караганда, алдагы өч көндә республикада алмашынучан болытлы һава торышы хакимлек итәчәк.
Бүген республиканың көнчыгыш районнарында, иртәгә урыны белән кыска вакытлы яңгырлар көтелә. Чәршәмбе көн явымсыз булачак.
Татарстанда алдагы көннәрдә кызу булачак. Көндезге максималь һава температурасы бүген – +25..+30, 22 августта – +25..+30, ә 23 августта – +28..+33 градуска кадәр күтәрелә.

"Татар-информ" МА материаллары буенча.