2 февраль төнендә Яшел кометаны күрергә мөмкин булачак

1 февральдән 2 февральгә Яшел комета җир яныннан очып китәчәк. Астрономнар сүзләренчә, Россиянең урта полосасында яшәүчеләр бу кометаны күрә алачак. Үзенчәлекле төс аркасында аны Яшел комета дип атыйлар. Аның очышын күз белән генә дә күзәтергә мөмкин, ләкин оптик приборны үзегез белән алу яхшырак булыр.
Кометаның очыш урынын Җидегән йолдыз  йолдызлыгы янында табарга мөмкин. Ул кометаны табуның төп билгесен күрсәтәчәк, чөнки ул бу чүмеч астыннан очып китәчәк.
Онытмагыз, һава торышы һәм дөрес урын сайлау кометаны яхшырак күрер өчен ярдәм итәчәк.