Актанышның сәләтле балалары янында кунакта

Кичә Актаныштагы сәләтле балалар өчен гуманитар гимназия-интернатында  Башкортстан делегациясе булды.

      Башкортстанның Мәгариф һәм фән министрлыгы җитәкчеләре, Уфа, Күмертау, Сибай шәһәрләре, Илеш районы мәгариф идарәләре белгечләрен Актаныш районы башкарма комитеты җитәкчесенең беренче урынбасары  Ләйсән Нурлыева, гимназия-интернат директоры Венера Хәева -Хәмитҗанова каршы алды һәм уку йортының эшчәнлеге белән таныштырды. 

   Үзара тәҗрибә уртаклашу, гимназиянең заманча шартларда эшчәнлек алып баруы кунакларда зур кызыксыну уятты. Шунысын да әйтик: аннан алда актанышлылар ут күршедә яшәүче коллегалары янында булып кайтканнар иде. Мондый тәҗрибә уртаклашулар  ике як өчен дә отышлы һәм ул дәвамлы булыр дигән өмет бар.

Альберт Сабиров

Добавить комментарий

Ваш адрес email не будет опубликован.