Әниләр турында зирәк фикерләр

Ана –

Бөек исем,

Нәрсә җитә ана булуга?!

Хатыннарның бөтен матурлыгы,

Бөтен күрке – ана булуда.

                        Һади ТАКТАШ

                             ***

Ана мәхәббәтенең зурлыгын, тирәнлеген, җылылыгын аңлатырга көч җитми. Бу мәхәббәт шигърияттән өстен.

                          Гадел КУТУЙ

                            ***

Ана мәрхәмәте белән ата кырыслыгы – балаларга булган мәхәббәтнең ике канаты.

                           Шәүкәт ГАЛИЕВ

                             ***

Әни кешенең маңгай күзе күрмәсә, күңел күзе күрә. Ана кешенең колагы ишетмәсә, йөрәге ишетә.

Ана күңеле ана күңеле шул инде. Балалары нинди генә булса да, ана күңеле балавыз кебек йомшап, эреп китәргә генә тора.

                               Гадел КУТУЙ

                                    ***

Дөньяда әниең кулларына ятып елаудан да рәхәтрәк нәрсә юктыр.

                                 Фәнис ЯРУЛЛИН

                                    ***

Ана белән бала мөнәсәбәтләрендә адәм баласының кешелеклелек тамыры, дөнья белән иң садә, иң тотрыклы бәйләнеше ачыла.

                                   Мөдәррис ВӘЛИЕВ

                                   ***

Бала гаме юкка чыгу – ана өчен иң хәтәре.

                                    Галимҗан ГЫЙЛЬМАНОВ

Аналардан малайлар туа, ир тумый.

                                    Кадыйр СИБГАТУЛЛИН

Атасын сүккән атсыз калган, анасын сүккән – аңсыз калган.

                                    Рафаль СИБАТ

Ана телен оныткан – анасын да оныткан.

                                    Шәүкәт ГАЛИЕВ

 

Хәтта иң көчле ир-ат та ана назына мохтаҗ.

                                  Т.Б.ЛИНДБЕРГ

                                  ***

Дөньяда бөек ир-атлар хатын-кызларга караганда күбрәк, әмма бөек Аналар бөек Аталарга караганда шактыйга күбрәк.

                                      Е.Б.ПАНТЕЛЕЕВ

                                   ***

Ни өчен авылык килгәндә кешеләр «әни» дигән тылсымлы сүзне әйтә? Чөнки алар балачактан ук әни һәрвакыт ярдәмгә килгәнне белә.

                                       Р.АРОНОВА

                                       ***

Әниеңнең кайгыртуына гадәтләнеп, кайвакыт үзеңә башка күзлектән карап куясың. Зур кайгы килгәндә кайчак дусрыңа да әйтмисең, әниең генәярдәм итә ала. Аның зирәклегенә, акылына исең китәрлек! Әниең беркайчан да төшенкелеккә бирелми, ул бөтен авырлыклар белән дә көрәшәчәк, ул коткарыпкалачак, тынычландырачак.

                                        Л.ДАВЫДЫЧЕВ

                                                 ***

Бернинди ир-ат, хәтта иң яхшысы да, аналарның кичерешләрен алый алмый.

                                             О.РОЙ

                                                ***

Әти кеше мәңгелеккә китеп баргач

Ана булмыйча, әнинең кадерен белеп булмый.

                                  ***

Ана җылысы – кояш җылысы.

                                 ***

Үз анасын зурлаган – кеше анасын хурламас.

                                  ***

Ананың бер догасы җиде мулланың бәддогасын җиңә.

                                  ***

Ана күңеле – кызында, кызның күңеле – кызылда.

                                    ***

Ана балага баккан, бала танага баккан.

                                 ***

Агачына күрә – алмасы, анасына күрә – баласы.

                                   ***

 Алыптай алты малайны кабыктай бер ана асрый.

                                   ***

Ана күңеле бала өчен дәрья.

                                     ***

Ана янында бала ятим булмый.

Зирәк фикерләрне Таһир САБИРҖАНОВ туплады

Добавить комментарий

Ваш адрес email не будет опубликован.