БДИда тарих буенча биремнәр саны артырга мөмкин

Мәгариф һәм фән өлкәсендә күзәтчелек итү буенча федераль хезмәт (Рособрнадзор) тарих буенча Бердәм дәүләт имтиханында Бөек Ватан сугышы темасына биремнәр саны артырга мөмкин  дип белдерде.

«Бөек Ватан сугышы буенча биремнәр саны киләчәктә БДИның имтихан вариантында арттырылырга мөмкин», — дип хәбәр итә ТАСС ведомствоның матбугат хезмәте чыганакларына нигезләнеп.

Мәгариф һәм фән өлкәсендә күзәтчелек итү буенча Федераль хезмәт мәгълүматларына караганда, БДИның һәр имтихан вариантында 19 биремнең кимендә берсе Бөек Ватан сугышына багышланган.  Тарих буенча БДИны унберенче сыйныф укучыларының 15 проценты тирәсе тапшыра. Шулай ук түрәләр бу уңайдан бу чор вакыйгаларын 1 нче сыйныфтан алып 11 нче сыйныфка кадәр өйрәнүнең «махсус программасы» н эшләү һәм гамәлгә кертү буенча фикер алышырга мөмкин.

Таңсылу Габидуллина

 

 

Добавить комментарий

Ваш адрес email не будет опубликован.