Бердәм дәүләт имтиханнары графигы үзгәрмәячәк

Югары сыйныф укучылары өчен Бердәм дәүләт имтиханы 2022 елда расланган график нигезендә узачак. Россия Мәгариф һәм фән өлкәсендә күзәтчелек буенча федераль хезмәтнең матбугат хезмәте үзенең Telegram-каналында шул турыда хәбәр итә.

2022 елда БДИ 21 марттан 2 июльгә кадәр үтәчәк. Бу чорга резерв көннәр дә керә.

Шул ук вакытта узган атнада Мәгариф һәм фән өлкәсендә күзәтчелек федераль хезмәте Россия төбәкләрендә тикшерүләр үткәрде һәм анда «кәгазь, картридж, канцелярия кирәк-яраклары, шулай ук антисептик һәм биналарны җыештыру өчен чараларның запаслары» барлыгына инанды.

«Татар-информ» мәгълүматлары буенча

Добавить комментарий

Ваш адрес email не будет опубликован.