«Без – Россия гражданнары»

 «Без — Россия гражданнары» шундый исем астында Татарстанның барлык мәктәпләрендә парламент дәресләре узачак. 1 февральдән 18 февральгә кадәр республикада игълан ителгән Милли мәдәниятләр һәм гореф-гадәтләр елына багышланган дәресләр узачак. Бу хакта ТР Дәүләт Советы Рәисе Фәрит Мөхәммәтшинның урта гомуми белем бирү учреждениеләре педагоглары белән очрашуында билгеле булды.
Парламент дәресе –ТР Дәүләт Советы, ТР Мәгариф һәм фән министрлыгы һәм мәгарифне үстерү институтының укучыларның сәяси-хокукый культурасын һәм актив гражданлык позициясен формалаштыруга юнәлдерелгән уртак проекты. Бу дәресләр мөһим даталарга яки җәмгыятьтә күтәрелергә тиеш сорауларга багышланган.
«Россия Президенты Владимир Путин 2023 елны Педагог һәм остаз елы дип игълан итте. Бу инициатива укытучының абруен һәм ролен күтәрүгә, педагогның аерым статусын тануга юнәлдерелгән. Быелдан укытуга игътибар көчәйтелер дип уйлыйм. Чөнки педагоглар кулында – республикабызның, илебезнең, гомумән, күпмилләтле халыкның киләчәге » – дип белдерде Мөхәммәтшин.