Бүген 18.00 сәгатьтә Казан IT-паркында Балаларны яклау көненә багышланган бәйрәм була. Шул хактагы мәгълүмат технопаркның социаль челтәрләрендә урнаштырылган.
«Балаларыгызны шәһәрнең иң яхшы аниматорларыннан мастер-класслар, сабын куыгы һәм фокусчылар тамашасы, фудкорт һәм фотозона көтә», — диелә игъланда.
Моннан тыш, программа аквагрим, спорт ярышларын үз эченә ала, балалар тәм-томнар белән бушлай сыйлана алачак. IT-парк территориясенә керү ирекле, шулай да мастер-классларда катнашу өчен алдан теркәлергә кирәк.
