Казанда инклюзив белем бирү педагогларын әзерләү мәсьәләләре турында фикер алыштылар

Кичә Казанда югары уку йортлары җитәкчеләре һәм һөнәри белем бирү оешмалары җитәкчеләре катнашында инклюзив белем бирүне гамәлгә ашыру өчен педагоглар әзерләү темасына «түгәрәк өстәл» узды.

Очрашуда шәһәрдә башлангыч сыйныф укытучылары, махсус белем бирү процессы алымнарын һәм методикаларын белүче педагог-психологлар һәм тьюторларның җитмәвен билгеләп үттеләр. Моннан тыш, еш кына инклюзив белем бирү моделе буенча эшләүче укытучыларның укыту процессына мөмкинлекләре чикләнгән балаларны җәлеп итү һәм булган җитешсезлекләрне төзәтү өчен кирәкле квалификациясе юк.

Казанның 1 нче номерлы мәктәбе директоры Анастасия Акмаева тьюторлар (инклюзив белем бирү мохитендә мөмкинлекләре чикләнгән балалар һәм педагоглар арасында арадашчылар) әзерләү мәсьәләсенә игътибар итте. Тьютор вазифасы мәгариф хезмәткәрләре вазифалары арасында беркетелүгә карамастан, мондый белгечләрне әзерләү программасы бик аз югары уку йортларында гамәлгә ашырыла. Югары белемнең тьюторлык итү мөмкинлеген бирә торган беренче баскычы – теләсә кайсы педагогик эшчәнлек буенча бакалавриат программасы, факт буенча ул махсус белем бирү процессын сыйфатлы гамәлгә ашыру өчен җитәрлек түгел.

«Түгәрәк өстәл»  барышында катнашучылар педагогик юнәлештәге профиль сыйныфларын ачу турында фикер алыштылар. Мондый сыйныф укучылары, профильле югары уку йортына кергәнче педагог һөнәрен үзләштерә башлап кына калмыйча, әлеге эшчәнлекнең үзенчәлеген дә аңлый алачаклар.

Мөмкинлекләре чикләнгән балалар белән эшләү мәсьәләләрен хәл итү өчен «түгәрәк өстәл»дә катнашучылар Мәгарифне үстерү институтында «Коррекцион педагогика» һәм «Махсус мәктәпкәчә белем бирү» программаларын тормышка ашыруны, кадрларны яңадан әзерләү өчен стажировка мәйданчыклары оештыруны, Казанның инклюзив мәктәпләрендә һәм балалар бакчаларында студентлар практикасын үткәрүне тәкъдим иттеләр, дип хәбәр иттеләр шәһәрнең мәгариф идарәсендә.

Чарада шулай ук Казан башкарма комитеты җитәкчесе урынбасары Гүзәл Сәгыйтова һәм мәгариф идарәсе җитәкчесе урынбасары Энҗе Фәхретдинова катнашты.

https://kzn.ru

Добавить комментарий

Ваш адрес email не будет опубликован.