Тинчурин театры танылган драматург, актёр, татар милли театрына нигез салучыларның берсе Кәрим Тинчуринның тууына 135 ел тулуга багышланган әдәби-музыкаль чаралар оештыра.
8 сентябрьдә Горький исемендәге ял паркында 17:00 сәгатьтә,
13 сентябрьдә Кәрим Тинчурин паркында 12:30 да флешмоблар башланачак.
15 сентябрьдә Кәрим Тинчурин исемендәге паркта драматургны искә алу концерты булачак, ул 11.30 сәгатьтә башлана.
Чараларда театрның күренекле артистлары – Резеда Төхфәтуллина, Гөлчәчәк һәм Ирек Хафизовлар, Резеда Сәләхова, Илнур Байназаров, Айсылу Мөсәлләмова, Булат Зиннәтуллин һ.б. чыгыш ясаячак, дип хәбәр итә Тинчурин театрының матбугат үзәге.
Фәния Лотфуллина
