Көллиятләрдә һәм техникумнарда практик әзерлек өчен комплекслар булдырылачак

Урта махсус уку йортлары каршында укыту-җитештерү комплекслары төзеләчәк, дип хәбәр итә «Татар-информ» мәгълүмат агентлыгы. Бу турыдагы карарны  Россия Президенты Владимир Путин имзалады. 

Закон мондый комплексларның белем бирү оешмаларында студентларны практик яктан әзерләү, укучыларга һәм чыгарылыш курсы укучыларына вакытлыча эш бирү өчен төзелүен билгели. Анда керем китерә һәм укыту профиленә туры килә торган эшчәнлек алып барылачак, ул товарлар җитештерү, хезмәтләр күрсәтү белән бәйле булырга мөмкин.

Фәния Лотфуллина

Добавить комментарий

Ваш адрес email не будет опубликован.