Метшин аноним шикаятьләр җибәрүне сорады

Казан мэры Илсур Метшин ата-аналарны билгеле бер кибетләрдә һәм билгеле бер җитештерүчеләрдән мәктәп формасын сатып алырга мәҗбүр итүче мәктәпләр турында вәзгыятьне ачыкларга кушты. Шундый шикаять. мэриянең Instagram-@kzn_official аккаунтында ,шәһәр башлыгы белән турыдан-туры эфир вакытында, Казанда яшәүче бер ханымнан алынды.

И. Метшин бернинди этикага һәм эстетикага омтылыш та мөмкинлекләре чикләнгән кешеләргә, бигрәк тә мәктәптә, комачауларга тиеш түгел, дип белдерде.

«Минем фикеремчә, күлмәк, итәк, чалбарның төсләренә карата гомуми таләпләрне үтәү дә җитә. Әмма бөтен кеше өчен дә бердәм җитештерүчене таләп итү-артык. Мин мәгариф идарәсенә, һичшиксез, бу хәлне тикшерергә кушам» — дип ышандырды шәһәр мэры.

Илсур Метшин шулай ук тамашачылардан билгеле бер җитештерүчедән форма сатып алырга мәҗбүр иткән мәктәпләрнең номерларын җибәрүне сорады. Ул хәбәр иткәнчә, барлык шикаятьләр дә аноним рәвештә тапшырылачак.

Шунысын да билгеләп үтәргә кирәк, Казан мәктәпләрендә мондый тәҗрибә инде күп еллар кулланыла. Әмма агымдагы елның августында хәлләр бигрәк тә кискенләште: ата-аналар пабликларына мәктәп формасын конкрет сатучылардан гына «алуны таләп итүче» хәбәрләрнең скриншотларын бик еш җибәрә башладылар.

Чыганак: tatnews.tatar

Добавить комментарий

Ваш адрес email не будет опубликован.