Нурбәк Батулла Камал театрында әкият куячак

Нурбәк Батулла Камал театрында «Таңбатыр» әкиятен чыгаруда катнашачак. Спектакль сәхнәгә декабрьдә чыгарылыр дип көтелә. 
Артист, биюче  спектакль өстендә яшь режиссер Олег Кинҗәгулов белән эшләячәк. Режиссер Камал театрының Кече сәхнәсендә балалар өчен «Таңбатыр» әкиятен чыгара. Пьесаны язучы Мансур Гыйләҗев язган.
Олег Кинҗәгулов әйтүе буенча репетицияләр октябрь аенда башланачак, әлегә спектакльнең тексты һәм макеты буенча эш бара. Спектакльнең пластик сәхнәләрен куярга «Алтын битлек» лауреаты Нурбәк Батулла чакырылган.