Телләр өйрәнү Альцгеймерны җиңәргә булышамы

Икенче телне өйрәнү Альцгеймер авыруы белән көрәшергә ярдәм итә. Мондый карарга АКШ һәм Канада галимнәре килгән. Алар үткәргән тикшеренү нәтиҗәләре буенча, ике телле булу Альцгеймер үсешен биш елга тоткарлый икән.
Үткәрелгән  метаанализ вакытында Айова штаты (АКШ) университетының психология доценты Джон Гранди һәм аның автордашлары бердән артык телдә сөйләшкән кешеләрнең Альцгеймер симптомнарын озаграк тыярга сәләтле булуын ачыкладылар. Телләр өйрәнү авыруны җиңәргә булышмый, ә аны 5 елга сузып кына тора икән. Тикшеренү авторлары мәгълүматлары буенча  ике телдә сөйләшүче кешеләрнең   баш миенең арткы  өлкәләре  нәтиҗәлерәк эшли, ә монолингвалар өчен мондый вариант юк, бу деменция үсешен көчәйтә.