Юлларыгыз төзекме?

Республикабыз юлларын төзекләндерү эшләре дәвам итә. Кичә транспорт һәм юл хуҗалыгы министры Фәрит Хәнифов  әлеге эшләрнең торышын тикшерү максатыннан  Кукмара районында булып кайтты. 

Бүгенге көндә бу төбәктә  гомуми кулланудагы автомобиль юлларының  озынлыгы 405 километр дәшкил итә, шуның 341 чакрымы асфальт белән түшәлгән. Барлык 123 авылның 98 ен асфальт-таш түшәлгән юллар тоташтыра.

Куркынычсыз сыйфатлы юллар милли программа  кысаларында  соңгы вакытта  Лубян – Бажениха һәм Өлге–Иске Юмья,  Кукмара – Олыяз һәм  Яңа Троицкий – Татар Тулбасы – Плаксиха  авыллары арасындагы юлларны төзекләндерү  күздә тотыла һәм бу юнәлештә эш алып барыла.

                                                          Альберт ЗАҺИРОВ
Фото: Pixabay

Добавить комментарий

Ваш адрес email не будет опубликован.