ТР Милли музейда тантаналы төстә киң җәмәгатьчелеккә Моабит дәфтәрләренең төп нөсхәсен тәкъдим иттеләр. Быел аны Татарстан Язучылар берлеге рәисе урынбасары, М.Җәлил исемендәге Республика премиясе һәм XII Халыкара төрек шигърияте фестивале лауреаты, шагыйрь Рәмис Аймәт тәкъдим итте.
Гадәттә дәфтәр музей сейфында саклана. Ел саен 15 февральдә генә Татарстан Республикасы Милли музее фондыннан шагыйрьнең «Моабит дәфтәрләре» циклының төп нөсхәсе чыгарыла. Бүген төп нөсхәне язучылар, мәдәният хезмәткәрләре, студентлар һәм мәктәп укучылары күрә алды.
