V Халыкара мәктәп укытучылары фестивале Алабуга шәһәрендә узачак

2014 елның 11-14 августында Алабуга шәһәрендә Казан федераль университетының Алабуга институты базасында Татарстан Республикасы мәгариф һәм фән хезмәткәрләренең август киңәшмәсе кысаларында V Халыкара Мәктәп укытучылары фестивале узачак.

Фестиваль ачылу тантанасында Татарстан Республикасы Премьер-министры урынбасары – мәгариф һәм фән министры Энгель Фәттахов, Казан федераль университеты ректоры Илшат Гафуров, РФ Президентының Идел буе федераль округындагы вәкаләтле вәкиле Михаил Бабич һ.б. катнашачак.

Ачылу тантанасы 12 августка планлаштырылган. Фестивальдә катнашучылар өчен мастер-класслар, түгәрәк өстәлләр, эшлекле уеннар, тренинглар һ.б. оештырылачак. Тулырак мәгълүмат биредә.

ТР Мәгариф һәм фән министрлыгы. 

Добавить комментарий

Ваш адрес email не будет опубликован.