Алсуның кызы «Голос. Дети» проекты җиңүчесе

Җырчы Алсуның кызы Микела Абрамова Беренче каналның «Голос.Дети»  проектында җиңү яулады. Бу уңайдан социаль челтәрләрдә «йолдызлы гаилә тавышларны сатып алган» дигән сүзләр таралды. 
Микела тапшыруның сайлап алу этабын уңышлы үтте. Кыз Валерий Кузаков һәм Ержан Максим белән бергә финалда чыгыш ясады. Микела өчен 56 процент тамашачы тавыш бирде, нәтиҗәдә ул тапшыруның алтынчы сезоны җиңүчесе булып танылды. Ялларда социаль челтәрләрдә «йолдызлы гаилә тавышларны сатып алган» дигән сүзләр таралды.
Беренче канал килеп ирешкән тавышларны тикшерергә вәгъдә бирде.